काठमाडौँ, साउन २५ – देशभर मनसुन सक्रिय रहँदा सोमबार कोशी, बागमती, गण्डकी र लुम्बिनी प्रदेशका पहाडी क्षेत्रका केही स्थानमा भारी वर्षा हुने सम्भावना रहेको मौसम पूर्वानुमान महाशाखाले जनाएको छ।
हाल देशभर सामान्य बदली रही कोशी, बागमती, गण्डकी र लुम्बिनी प्रदेशका थोरै स्थानमा मध्यम वर्षा भइरहेको छ।
भारी वर्षाका कारण जनजीवन, स्वास्थ्य, यातायात र हवाई सेवा प्रभावित हुन सक्ने भएकाले सतर्कता अपनाउन महाशाखाले आग्रह गरेको छ। पछिल्लो मौसम जानकारीका लागि नियमित अपडेट हेर्न सर्वसाधारणलाई अनुरोध गरिएको छ।