दोलखा । नेकपा माओवादी केन्द्र दोलखाले तामाकोशी गाउँपालिकाका इन्चार्ज उपेन्द्र अधिकारीमाथी आक्रमण भएको घटनाका दोषीलाई कारबाहीको माग गरेको छ । घटनाप्रति गम्भीर ध्यानाकर्षण भएको जनाउँदै माओवादीले छानविन गरि दोषीलाई कानुनी दायरमा ल्याउन माग गरेको हो ।
शनिबर वडा नं.२ झुलेको वडा सम्मेलन सकेर घर फर्कने क्रममा वडा नं. ४ स्थित मालु डाँडागाउँमा गोपाल तिमिल्सिना, हरि योगी, सुमन मिजार(वयल कोटि) लगायतको समुहले अधिकारीमाथी आक्रमण गरेको थियो । उक्त आक्रमणमा अधिकारीसँगै नेकपा माओवादी केन्द्र नेता सुमन मिजार समेत घाइते भएका छन् । उनीहरु अहिले उपचाररत छन् ।