अबिरल बस्नेत `सुरज´
दोलखा: विगु गाउँपालिकाको आयोजनामा तथा शारदा मा.वि. बुलुङको व्यवस्थापनमा अन्तरपालिका स्तरीय पाचौं राष्ट्रपति रनिङ शिल्ड प्रतियोगिता सुरु भएको छ। प्रतियोगिता विगु ४ लादुकको सिङ्गटि बजारमा रहेको खोलिखिमको खेलमैदानमा बुधबारदेखि सुरु भएको हो।
प्रतियोगिताको उद्घाटन विगु गाउँपालिका अध्यक्ष सन्जिब ओलीले गरेका थिए । प्रतियोगिताको उद्घाटन समारोहलाई सम्बोधन गर्दै ओलीले शारीरिक र मानसिक स्वास्थ्यका लागि खेलकुद अपरिहार्य रहेको बताए। 
प्रतियोगितामा भलिबल, कबड्डी, दौड, कराँते, तेक्वान्दो, उसु, हाइजम्प लङजम्पलगायतका खेल समावेश गरिएको छ। प्रतियोगितामा विगु गाउँपालिका भित्रका ११ विद्यालयका करिब ५ सय विद्यार्थीले प्रतिस्पर्धा गर्नेछन्। प्रतियोगिता तीन दिनसम्म चल्नेछ ।
Have any thoughts?
Share your reaction or leave a quick response — we’d love to hear what you think!
-
0
-
0
-
0
-
0
-
0
-
0
