काठमाडौं। चौथो पटक प्रधानमन्त्री बनेको एमाले अध्यक्ष केपी शर्मा ओलीले प्रतिनिधि सभाबाट विश्वासको मत प्राप्त गरेका छन् ।
आइतबार प्रतिनिधि सभामा उपस्थित २६३ सांसद मध्ये १८८ सांसदले विस्वासको मत दिएका छन्। त्यस्तै विपक्षमा ७७ जनाले मत दिए भने १ जनाले मत दिएनन्।
दुई तिहाई सांसदको समर्थन प्राप्त गरेका ओलीमाथि अवसर र चुनौती दुवै छ । संसद्को ठूलो दल कांग्रेसलाई नै विश्वासमा लिएका कारण ओली केही सहजतामा छन् । तर सत्ता साझेदारीमा आएका साना दल र तिनका बार्गेनिङले ओली कार्यकाललाई चुनौती थप्ने नै छ ।
अहिलेको कार्यकाल सुरु गर्नु भन्दा पहिले नै संविधान संशोधनलगायत गरिएको भनिएको ७ बुँदे सहमति कार्यान्वयन मुख्य चुनौती देखिन्छ ।