माओवादी पार्टीहरूको एकता चाँडै टुङ्गोमा पुग्छ: प्रचण्ड

हेर्दाहेर्दै डेस्क

चितवन, ३ कार्तिक – नेकपा माओवादी केन्द्रका अध्यक्ष पुष्पकमल दाहाल प्रचण्डले माओवादी पार्टीहरूको एकतालाई चाँडै टुंगोमा पुर्याउने प्रतिबद्धता व्यक्त गरेका छन्। उनले चितवनको भरतपुर १३ मा बेपत्ता यौद्धा दण्डपाणि न्यौपाने स्मृति भवन निर्माणका लागि आयोजना गरिएको जनसांस्कृतिक कार्यक्रममा यसबारे बताएका हुन्।

प्रचण्डले एकताबद्ध भएर समाजवादी क्रान्तिको तयारी गर्नुपर्ने बेला आएको उल्लेख गर्दै गणतन्त्रको स्थापनामा सहमति भए पनि यसलाई जनताको गणतन्त्रमा रूपान्तरण गर्न संघर्ष आवश्यक पर्ने बताउनुभयो। उनले जनतालाई एकताबद्ध गर्दै समाजवादी क्रान्ति पूरा गर्ने उद्देश्यमा काम गरिने बताए।

नेकपाका महासचिव नेत्रविक्रम चन्द विप्लवले माओवादी एकताले ६४ सालको आन्दोलन दोहोरिने दावी गरे भने उपाध्यक्ष पम्फा भुसालले संविधानको संरक्षण गर्नुपर्नेमा जोड दिए। उपमहासचिव जनार्दन शर्मा प्रभाकरले जनतन्त्रको एजेन्डा पूरा गर्दै जनाजीविकाको सवाललाई गम्भीरतापूर्वक अघि बढाउन आवश्यक रहेको बताएका छन्।

कार्यक्रममा विभिन्न कलाकारहरूले सांस्कृतिक प्रस्तुति पनि गरेका थिए।