सिन्धुपाल्चोक बस दुर्घटना: मृत्यु भएका तिनै जनाको सनाखत

राजकुमार भुजेल,दोलखा।‌दोलखाको भीमेश्वर-१ सुस्पाबाट सिन्धुपाल्चोक त्रिपुरासुन्दरी-४ पिस्करमा दुलही लिन हिँडेको बा ४ ख ५६१६ नम्बरको बस सिन्धुपाल्चोक, त्रिपुरासुन्दरी-५ स्थित तौथलीनजिकै दुर्घटना हुँदा मृत्यु भएका तिनै जनाको सनाखत भएको छ।

शुक्रबार बिहान करीब साडे सात बजे दुर्घटनामा परि ३ जनाको मृत्यु भएको थियो। मृत्यु हुनेमा भीमेश्वर १ सुस्पाका दिपेन्द्र थामी,मानबहादुर थामी ,शिव श्रेष्ठ रहेका छन् 

दुर्घटनामा बेहुला सहित ५२ जना घाइते भएको घाइतेहरुले बताएका छन्। घाइते भएका ५२ जना मध्ये ७ जना बढीको अवस्था गम्भीर रहेको छ ।

अहिले सदाबहार अस्पताल खाडीचौरमा २७ जना घाईतेको उपचार हुदै गरेको र जटिल बिरामी पहिचान गरी काठमाडौं पठाउने तयारी भएको भिमेश्वर नगरपालिका नगर प्रमुख ईश्वर नारायण मानन्धरले जानाकारी दिए।

बस सडकबाट करिब सय मिटर तल खसेको थियो।