दोलखा घर भएका ललितपुरका बाढी पीडितलाई राहत वितरण

अबिरल बस्नेत ` सुरज ´

दोलखा । दोलखा घर भई हाल ललितपुरमा बसोबास गर्दै आएका बाढी पीडितलाई राहत वितरण गरिएको छ । शनिबार दोलखाका जनप्रतिनिधि तथा माओबादी नेताहरुले ललितपुरको खोकना पुगेर पीडितहरुलाई राहत वितरण गरेका हुन् ।

असोज ११ र १२ गतेको बाढीबाट पीडित ३२ घर परिवारलाई २ बोरा चामल, खाना पकाउने कुकर, कराई, एक सेट ब्लाङ्केट, नुन, तेल, लगायतका खाद्यन्न सामग्री वितरण गरिएको हो ।

राहत वितरण गर्दै गौरीशंकर गाउँपालिका अध्यक्ष विश्वास कार्कीले गाउँमै फर्केर केही ब्यवसाय गर्न चाहनेलाई पालिकाले सहयोग गर्ने बताएका छन् । कालिन्चोक गाउँपालिका उपाध्यक्ष तथा नेकपा माओवादी केन्द्र दोलखाका पुर्व पार्टी संयोजक कुल बहादुर बुढाथोकीले आफ्नो ठाउँका जनताको दुखमा जस्तो सुकै प्रकारको सहयोग गर्न तयार रहेको बताएका छन् ।

राहत वितरणमा गौरीशंकर गाउँपालिका वडा नम्बर २ जुगुका अध्यक्ष रोहित बुढाथोकी, उद्योग बाणिज्य संघ दोलखाका महासचिव सुरेश उप्रेती, नेकपा माओवादी केन्द्र दोलखाका पाटी प्रबक्ता पुष्कर कुमार अधिकारी लगायत उपस्थित थिए ।