दोलखा । जिरी नगरपालिका- ७ स्थित निगालेमा रहेको उर्गेनलिङ गुम्बा उद्घाटन हुने भएको छ । करिब ३ करोडको लगानीमा निर्माण भएको उक्त गुम्बाको उद्घाटन आगामी वैशाख ६ गते हुन लागेको हो ।
गुम्बाको उद्घाटन परम पुजनीय धर्म गुरु पेमा थाक्षिन रिम्पोक्षेले गर्ने कार्यक्रम तय भएको छ ।
कार्यक्रम तालिकाअनुसार वैशाख ३ गते धर्म गुरु पेमा थाक्षिन रिम्पोक्षेको स्वागत गर्ने, वैशाख ४ गते प्रान्प्रतिसष्ठान राख्ने र होम पुजा गर्ने, वैशाख ५ गते रत्न समुच्यको -क्षाेक चेदुको अभिषेक गर्ने र वैशाख ६ गते गुम्बाको उद्घाटनसँगै आयु अभिषेक (छे वाङ) पनि प्रदान गरिनेछ ।
कार्यक्रममा सहभागी भई अभिषेक (वाङ) ग्रहण गरि पुण्यालाभ प्राप्त गर्न सम्पुर्ण भक्तजनमा आग्रह गरिएको छ ।
