वर्षाले बगाएर ल्याएको ढुङ्गा अड्किदा दोलखाको गौरीशंकर २ स्थित छाप गाउँ जोखिममा परेको छ ।शनिबार राती देखिको निरन्तर वर्षाले पौडी डिल भन्ने स्थानमा ढुङ्गा अट्किएपछि उक्त ढुङ्गा बस्तीमा खस्ने जोखिम बढेको हो ।
ढुङ्गाले बस्तीमा निम्त्याउन सक्ने सम्भावित क्षती रोक्नको लागि गौरीशंकर गाउँपालिकाले पहल थालेको गाउँपालिका अध्यक्ष विश्वास कार्कीले जानकारी दिए ।
आईतबार विहानै नेपाली सेना, नेपाल प्रहरी सहितको टोली वोलाएर अनुगमनका लागि पुगेको उनले वताए । ‘ढुङ्गाले पुर्याउन सक्ने संभावित जोखिमबारे अनुगमनपछि यसको व्यवस्थापन थाल्नेछौं ‘ उनले भने ।
