‘मायाँ हेरेर कहाँ देखिन्छ’ बोलको गीतको म्यूजिक भिडियो सार्वजनिक भएको छ । शनिबार पोखरामा एक कार्यक्रमका बीच सुप्रसिद्ध गायक तथा संगीतकार रामभक्त जोजिजुको विशेष उपश्थितीमा गीतको भिडियो सार्वजनिक गरिएको हो।
युवा गीतकार तथा संगीतकार आदर्श पोखरेलको शब्द संगीत रहेको उक्त गीतमा गायक विश्वबन्धु अधिकारी र गायिका जमुना तिमल्सिनाको आवाज सजिएको छ । सुदिप सुवेदीको निर्देशन र सन्देश गुरुङको छायांकन रहेको भिडियोमा गायक विश्वबन्धु अधिकारी र गायिका जमुना तिमल्सिनाकै दमदार अभिनय रहेको छ । त्यसैगरी जमुना तिमल्सिना बराल र डाक्टर परिवर्तन बराललाई पनि भिडियोमा विशेष भूमिकामा प्रस्तुत गरिएको छ । भिडियोमा समावेश नृत्यको कोरियोग्राफी भने सोम गुरुङले गरेका छन् ।
विशुद्ध प्रेमकथामा आधारित गीतको म्युजिक भिडियोलाई निकै कलात्मक रुपमा प्रस्तुत गरिएको छ । गीतको भिडियो गायक विश्वबन्धु अधिकारी को आफ्नै युट्युब च्यानलबाट सार्वजनिक भएको छ ।
गीतको भिडियोले युट्युबमा समेत राम्रो भ्युज र प्रतिक्रिया समेत पाइरहेको छ ।
