राजकुमार भुजेल, दोलखा। स्वर्गिय भीम बहादुर स्मृति दोलखा नेविसंघ कप २०८१ सुरु हुने भएको छ। नेपाल विद्यार्थी संघ, दोलखाको आयोजनमा मङ्गलबार देखि सोमबार (२५-३१) सम्म अन्तर विद्यालय स्तरीय प्रतियोगिता हुन लागेको हो।
खेलको उदघाटन समारोहमा बिहान साँढे १० बजे सदरमुकाम चरिकोट स्थित सातदोबाटोबाट र्याली र मार्चपास सहित भिमेश्वर रङ्गशालामा पुग्ने संघका अध्यक्ष सौगात थापाले बताए। उनका अनुसार प्रतियोगितामा १९ वटा विद्यालयका खेलाडीहरुको सहभागिता रहनेछ।
प्रतियोगिताको प्रमुख अतिथि भने भोलि मात्र तोकिने सङ्घले जनाएको छ।
