अबिरल बस्नेत ` सुरज ´
दोलखा : सहिद स्मृति मावि जिरीकी मेलिशा ढुङ्गेल जिल्लास्तरीय अन्तर मावि वक्तृत्व कला प्रतियोगितामा प्रथम भएकी छन् ।
६० औं बाल दिवसको अवसरमा आयोजना गरिएको वक्तृत्व कला प्रतियोगितामा जिल्लाका विभिन्न सामुदायिक र सस्थागत ३४ वटा विद्यालयका बालबालिकाबीच प्रतियोगिता आयोजना गरिएको थियो ।
अनेरास्ववियु दोलखाद्वारा आयोजित प्रतियोगिता “शैक्षिक गुणस्तर सुधारमा विद्यार्थी संगठनहरुको भुमिका ” विषयमा रहेको थियो ।
प्रथम पुरस्कार विजेता ढुङ्गेलले नगद ७ हजार रुपैयाँ सहित प्रमाणपत्र प्राप्त गरेकी छन्। प्रतियोगितामा हनुमन्ते माध्यामिक विद्यालयका निशान्त दाहाल द्वितीय,द -राइजिङ स्टार स्कुलका मीमांसा न्यौपाने तृतीय र मोडर्न नेपाल बोर्डिङका कृष्टिका खड्काले सान्त्वना पुरस्कार पाएका छन् ।
वक्तृत्वकला प्रतियोगिताका द्वितीय, तृतीय र सान्तवनालाई क्रमशः ५ हजार, ३ हजार र २ हजार सहित प्रमाणपत्र प्रदान गरिएको अनेरास्ववियु दोलखाका अध्यक्ष रामचन्द्र केसिले जानकारी दिए ।
