राजकुमार भुजेल,दोलखा।
दोलखाको गौरीशंकर गाउँपालिकामा बोलेरो दुर्घटनामा परि घाइते भएका मध्ये २ जनाको मृत्यु भएको छ। मृत्यु हुनेमा गाैरीशंकर -३ कि ७५ वर्षीया काली शेर्पा र अन्दाजी ५५ वर्षीय पसि शेर्पा रहेका छन्।
उनिहरुको सिङटी स्थित रोल्वालिङ अस्पतालमा उपचारको क्रममा मृत्यु भएको इलाका प्रहरी कार्यालय सिगटीले जनाएको छ। आइतबार बेलुका करिब ५ बजे सिङ्गटी बाट झ्याकुको लागि हिडेको वागमती प्रदेश काे बा २० च ७२६६ नम्बरको बोलेरो गाडी वडा नं ४ को वडा कार्यलय छेउमा दुर्घटना हुदाँ ६ जना घाइते भएका थिए। घाइते भएका मध्ये कालि शेर्पा र पसि शेर्पा गम्भीर घाइते भएका थिए भने अन्य सामान्य घाइते भएका थिए।
घाइतेहरुलाई उपचारका लागि एम्बुलेन्स मार्फत सिङ्गटी लगिएको थियो।
