अबिरल बस्नेत ` सुरज ´
दोलखा । दोलखा, सिन्धुपाल्चोक ,रामेछाप र काभ्रेको संगमस्थलमा रहेको ‘डासेँ खोला’ पुलको काम समयमै सम्पन्न गरेको भन्दै भीमेश्वर शिव खिम्ती जेभीका संचालक लाल बहादुर तामाङलाई सम्मान गरिएको छ । शनिबार आयोजित पुल उद्घाटन कार्यक्रममा तामाङलाई सम्मान गरिएको हो ।
कार्यक्रमका प्रमुख अतिथि बागमती प्रदेशका पूर्व वन तथा वातावरण मन्त्री विशाल खड्का, नेकपा माओवादी केन्द्रका नेता शंकर लामा, शैलुङ गाउँपालिका अध्यक्ष रिमल बाबू श्रेष्ठ, लिसंखुपाखर गाउँपालिका अध्यक्ष राजु लामा, स्थानीय लगायतले तामाङलाई तोकिएको समय भित्रै राम्रो काम गरेको भन्दै खादामाला सहित सम्मान गरेका हुन् ।
तामाङ निर्माण व्यवसायी दोलखाका महासचिव समेत हुन् ।
तामाङलाई यसअघि पनि सघन शहरी तथा भवन निर्माण आयोजना धनकुटाले समय सिमा अगावै तोकिएको काम सम्पन्न गरेको भन्दै प्रसंसा पत्र दिएको थियो ।
