काठमाडौँ । नेपालीहरुको महान चाड दशैं तथा तिहारको चहलपहल सुरु हुँदै गर्दा गायक नवराज बजगाईले तामाकोसी तरेर गइहाल्यौं बोलको लोक दोहोरी गीत आज युटुव मार्फत सार्वजनिक गरेका छन् ।नवराज बजगाई र पूर्णकला विसीको सुमधुर स्वरमा सो गीत सजिएको छ ।
बिक्रम चौहानको निर्देशन रहेको भिडियोमा साया भण्डारी र सुमन काफ्लेसहित नवकलाकार बिवेक भुषण दाहाल लगायतलाई देख्न सकिन्छ । इन्जिनियर समेत रहेका नवराज बजगाई ले यस अगाडि पनि दुईवटा साङ्गतिक एल्बमहरु सार्वजनिक गरिसकेका छन् ।
दोलखाको तामाकोसी गाउँपालिका स्थायी घर भएका बजगाईले तामाकोसी तरेर गइहाल्यौं भन्ने बोलको गीतले प्रेमिप्रेमिकाको बिछोडलाई कलात्मक तवरबाट दर्शकमाझ प्रस्तुत गरेका छन् ।
बजगाईको गीत नामको युटुव च्यानलमार्फत सुन्न तथा हेर्न सकिन्छ ।
