राजकुमार भुजेल,दोलखा।
माथिल्लो तामाकोशी जलविद्युत आयोजनास्थलको संरचनाको लागि रहेको हेडवक्र्स नियन्त्रण कक्ष रहेको भवनमा पहिरो खस्दा नेपाली सेना सहित ४ जना बेपत्ता भएका छन् ।
शनिबार अविरल वर्षा सँगै आएको पहिरोले आई ड्याम नजिकै रहेको अपर तामाकोसी हाइड्रोपावरको कन्ट्रोल बिल्डिङमा माथिबाट पहिरो झरेर बिल्डिङ पुर्दा बिल्डिङमा बस्ने नेपालीले सेना सहित ४ जना बेपत्ता भएका थिए।
बेपत्ता हुनेमा नबलपरासीका ३५ वर्षिय कृष्ण प्रसाद चौधरी,बिगु गाउँपालिका – १ लामाबगरका ३० वर्षिय जयराम तामाङ, नेपाली सेना नरेन्द्र बहादुर पाल र शंकर चन्द रहेका छन्। उनिहरुको खोजि कार्य भईरहेको भएपनि अवस्था अझै अज्ञात रहेको जिल्ला प्रहरी कार्यालय दोलखाका निरीक्षक शत्रुधन महतोले जानकारी दिए
