राजकुमार भुजेल,दोलखा।
तामाकोशी पहिरोमा बेपत्ता भएका ४ जनाकै शव भेटीएकाे छ ।शनिबार माथिल्लो तामाकोशी जलविद्युत आयोजनास्थलको संरचनाको लागि रहेको हेडवक्र्स नियन्त्रण कक्ष रहेको भवनमा पहिरो खस्दा बेपत्ता भएका नेपाली सेना सहित ४ जनाको शव भेटिएको हो।
जसमध्ये खोजि गर्ने क्रममा आइतबार दिउँसो १ जनाको र बेलुकापख अन्य ३ जनाको पनि शव भेटिएको छ । शव भेटिएका मध्ये २ जना नेपाली सेनाको शव हेलिकप्टर मार्फत सदरमुकाम चरिकोट लगिएको छ भने अन्य २ जनाको शव घटनास्थलमै रहेको विगु गाउँपालिकाका अध्यक्ष सञ्जिव आलीले बताए ।
पहिरोमा नबलपरासीका ३५ वर्षिय कृष्ण प्रसाद चौधरी,बिगु गाउँपालिका – १ लामाबगरका ३० वर्षिय जयराम तामाङ, नेपाली सेना नरेन्द्र बहादुर पाल र शंकर चन्द बेपत्ता भएका थिए।
