राजकुमार भुजेल,दोलखा।
दोलखाको वैत्यश्वर गाउँपालिका – ६ गोपीखोलामा दुईवटा यात्रुबस एकआपसमा ठोक्किँएको छ। आइतबार दिउँसो करिब ३ बजे मन्थली लामासाघु सडक खण्डमा काठमाण्डौबाट रामेछाप तर्फ जादै गरेको वा ५ख ५६३१ नम्बरको अरनिको बस र ओखलढुङगाबाट काठमाण्डौ तर्फ जादै गरेको प्र.३०१००५ ख ३९५६ नम्बरको बस एक आपसमा ठोक्किंदा केहि यात्रु घाईते भएका हुन्।
जिल्ला प्रहरी कार्यालय दोलखाका अनुसार उक्त दुर्घटनामा ३/४ जना घाइते भएका छन्। घाईते भएकाहरुलाई अहिले उपचारका लागि सदरमुकाम चरिकोट पठाइएको छ।
घटनाको थप विवरण आउन बाँकी रहेको जिल्ला प्रहरी कार्यालय दोलखाले जनाएको छ ।
