बाजुरा, साउन २७ – बाजुरामा रहेको प्रसिद्ध धार्मिक स्थल बडिमालिका मन्दिरमा यस वर्ष करिब ४५ हजारभन्दा बढी भक्तजनले दर्शन गरेका छन्।
साउन १४ गतेदेखि २३ गतेसम्म मन्दिरमा मुख्य पूजा र मेला लागेको थियो। यस पटक नेपाली सेनाले बनाएको नयाँ कलात्मक मन्दिर पनि आकर्षणको केन्द्र बन्यो। भक्तजनहरूले रातभर लाइन बसेर दर्शन गरेका थिए।
धार्मिक विधिअनुसार ९ दिनसम्म विशेष पूजा (नवाह) गरियो। देशका विभिन्न ठाउँ र भारतबाट समेत भक्तजनहरू आएका थिए।
बडिमालिका समुद्री सतहबाट करिब ४२०० मिटर उचाइमा छ। यहाँबाट हिमाल, हरियाली पाटन, दुर्लभ चराचुरुङ्गी र वन्यजन्तु पनि देख्न पाइन्छ।
यद्यपि, बाटो राम्रो नभएको, खानेपानी, शौचालय र बासको राम्रो व्यवस्था नभएकाले भक्तजनहरूलाई समस्या परेको छ। स्थानीयले राज्यले ध्यान दिनुपर्ने माग गरेका छन्।
Have any thoughts?
Share your reaction or leave a quick response — we’d love to hear what you think!
-
0
-
0
-
0
-
0
-
0
-
0
