राजकुमार भुजेल,दोलखा। दोलखाको लापिलाङमा आगलागी हुँदा २ वटा घर जलेका छन्। जिल्लाको कालिञ्चोक गाउँपालिका – ६ लापिलाङका धनकुमार थामी र उनका बुबा गुम्बे थामीको घर जलेर नष्ट भएको हो ।
बुधबार राति करिब साढे ९ बजेको समयमा घरमा आगलागी हुँदा दुवै घरमा रहेको सुन, नगद , खाद्यान्न, लत्ताकपडालगायतका सामान नष्ट भएकाे वडा अध्यक्ष भरत पाण्डेले “हेर्दाहेर्दै डटकम”लाई बताए। उनको अनुसार रातको समयमा ठुलो आगलागी भएकोले नियन्त्रणमा लिन नसकेको बताए ।
त्यसै आगलागीको कारण विद्युत सर्ट भएर हुन सक्ने आशंका गरिएको छ भने कुनैपनि मानवीय क्षेती भने भएको छैन।