दोलखाको विगु गाउँपालिका-२ ओराङमा बोलेरो जीप दुर्घटना हुँदा दुइ जनाकाे मृत्यु भएकाे छ,भने ५ जना घाइते भएका छन् ।
जगतबाट देउलाङतर्फ जाँदै गरेकाे बा १४ च ८९३४ बोलेरो राईबेटारमा दुर्घटनामा परेकाे हाे । दुर्घटनामा परी मृत्यु हुनेमा बालमाई तामाङ र चिनीमाया तामाङ रहेको विगु गाउँपालिका-२ का अध्यक्ष दिपक ठकुरीले जानकारी दिए ।
बाटाे चिफ्लाे भएकाले उकालाेमा बाेलेराे चिप्लिएर दुर्घटना भएकाे अनुमान गरिएकाे छ । बोलेरो सडकबाट ५० मिटर तल खसेकाे छ ।
घाइते पाँच जनाकाे स्थानीय अस्पतालमा उपचार भइरहेकाे वडाध्यक्ष ठकुरीले बताए ।
