२२ कार्तिक , दोलखा । दोलखाको विगु गाउँपालिका वडा न १ लामाबगरको आयोजनामा वडा स्तरीय खुल्ला पुरुष भलिबल प्रतियोगिताको आयोजना गरिएको छ । खेलको उद्घाटन विगु गाउँपालिका अध्यक्ष सन्जिव ओलीले गरेका हुन्।
आजदेखि सुरु भएको प्रतियोगितामा गौरीशंकर र विगु गाउँपालिका भित्रका १४ वटा वडा स्तरीय टिमको सहभागीता रहेको छ ।
प्रतियोगितामा खुल्लातर्फ प्रथम हुनेले नगद रु ४० हजार सहित सिल्ड, मेडल र प्रमाण पत्र प्राप्त गर्नेछन् भने द्वितीय र तृतीय हुनेले क्रमशः ३० हजार र २० हजार सहित शिल्ड,मेडल र प्रमाणपत्र प्राप्त गर्नेछन् । त्यसैगरि सान्त्वना हुनेले नगद ७ हजार प्राप्त गर्नेछन् ।
प्रतियोगितामा वेस्ट प्लेयर , वेस्ट स्पाइकर , वेस्ट सेटर , वेस्ट डिफेन्डर , वेस्ट सर्भर ,र वेस्ट ब्यलकरले पनि नगद सहित सिल्ड ,मेडल र प्रमाणपत्र प्राप्त गर्नेछन् ।
विगु गाउँपालिका १ का अध्यक्ष मेम्बा तमाङको अध्यक्षता भएको कार्यक्रममा विगु गाउँपालिका अध्यक्ष सन्जिव ओली, गौरीशंकर गाउँपालिका २ का अध्यक्ष रोहित बुढाथोकी , गौरीशंकर गाउँपालिका ३ का अध्यक्ष युग बहादुर बस्नेत , विगु गाउँपालिकाका वाइसीएल अध्यक्ष विमल ओली,रोल्वालिङ हाइड्रोपावरको कार्यकारी प्रमुख मनोज ताम्राकार , प्रेस सेन्टर नेपाल गौरीशंकर गाउँपालिका अध्यक्ष प्रकाश कौशल लगायतको उपस्थिति रहेको थियो ।
प्रतियोगिता आउँदो २४ गते सम्म चल्ने छ ।
