तेस्रो सिङ्गटि च्याम्पियनसीप २०८० आल्म्पु खेलकुद समिती आलम्पुले जितेको छ ।
ड्रिम टीम सिङ्गटिको आयोजना तथा विगु गाउँपालिका ४ लादुकको प्रायोजनमा शुभ दिपावली तथा छठ पर्वको अवसरमा शुक्रबार आयोजित विगु, कालिन्चोक र गौरीशंकर गाउँपालिका खुल्ला पुरुष फुटबल प्रतियोगितामा आलम्पु खेलकुद समिति आलम्पुले ड्रिम टिम सिङ्गटीलाई २ गोलको अन्तरले जितेको हो । विजेता टिमले नगद रु ४० हजार सहित सिल्ड, मेडल र प्रमाणपत्र प्राप्त गरेको छ भने उपविजेता टिमले नगद रु २० हजार प्राप्त गरेको छ ।
त्यस्तै सेमिफाइनल प्रवेश गर्ने दुइवटा टिमले नगद रु १०/१० हजार प्राप्त गरेका छन् ।
५ दिनसम्म चलेको प्रतियोगितामा १६ टिम सहभागी रहेका थिए ।
विगु गाउँपालिका अध्यक्ष सन्जिव ओलीको प्रमुख आतिथ्यमा सम्पन्न भएको कार्यक्रममा विगु गाउँपालिकाका पुर्व अध्यक्ष युधिष्ठिर खड्का , विगु ४ लादुकका अध्यक्ष रामचन्द्र खड्का , वाइसीएल विगु गाउँपालिका अध्यक्ष विमल ओली , पत्रकार गोविन्द थामी लगायतको उपस्तिथिमा सम्पन्न भएको थियो।
स्लो बाइक रेस तथा साङ्गितिक नृत्यले कार्यक्रमलाई रोमाञ्चक बनाएको थियो ।
