राजकुमार भुजेल , दोलखा । भिमेश्वर नगरपालिका ५ को आयोजनामा फुटबल प्रतियोगिता सञ्चालन हुने भएको छ । आगामी पुष १४ गते देखि वडाको बुढाभीमसेन खेल मैदानमा प्रथम जिल्ला मावि स्तरिय छात्र फुटबल प्रतियोगिता हुन लागेको हो ।
प्रतियोगितामा जिल्ला भित्रका कक्षा १० सम्मका छात्र फुटबल खेलाडीहरु सहभागी हुन पाउने वडा अध्यक्ष वासु श्रेष्ठले जानकारी दिए ।
प्रतियोगितामा विजेता हुने टिमले नगद ७५ हजार, ट्रफी, मेडल, प्रमाणपत्र र द्वितीय हुनेले नगद ३५ हजार, ट्रफ, मेडल, प्रमाणपत्र पाउनेछन् । त्यसैगरी उत्कृष्ट खेलाडीले नगद २ हजार ट्रफी, उत्कृष्ट किपरले नगद २ हजार सहित ट्रफी पाउनेछन् भने सर्वाधिक गोलकर्ताले नगद २ हजार सहित ट्रफि पाउनेछन्। खेल नकआउट हुनेछ ।
