अबिरल बस्नेत `सुरज´
दोलखा । यज्ञ-अम्बिका समाजले तामाकोसी गाउँपालिका–२, झुलेस्थित जनप्रभात माध्यमिक विद्यालयका विद्यार्थीलाई ट्र्याकसुट वितरण गरेको छ। स्व. यज्ञ प्रसाद पोखरेलको सम्झनामा उनका छोरा असिक पोखरेलको सहयोगमा आइतबार आयोजित कार्यक्रममा विद्यालयका १८७ जना विद्यार्थीलाई ट्र्याकसुट प्रदान गरिएको हो।
तामाकोसी–२ झुलेका अध्यक्ष तथा विद्यालय व्यवस्थापन समितिका अध्यक्ष ईश्वर कार्कीको अध्यक्षतामा सम्पन्न कार्यक्रममा तामाकोसी–३ जफेका अध्यक्ष रामप्रसाद काफ्ले प्रमुख अतिथि रहेका थिए। साथै, स्व. यज्ञ प्रसाद पोखरेलका भाइ इन्द्रकुमार पोखरेल, भतिज पर्वत पोखरेल लगायत स्थानीय व्यक्तित्वहरूको उपस्थिति रहेको थियो।
