दोलखा। दोलखाको विगु गाउँपालिकामा बसको ठक्करबाट एक वृद्धको मृत्यु भएको छ ।सोमबार साझ पालिका ३ कि ७८ बर्षिया नेतर्नी लामाको बसको ठक्करबाट मृत्यु भएको हो।
काठमाण्डौबाट बुलुङतर्फ गएको बा २ ख ६३७४ नम्बरको रोल्वालिङ यातायातले ठक्कर दिँदा लामाको घटना स्थलमै मृत्यु भएको वडा अध्यक्ष ढाल बहादुर लामाले “हेर्दा हेर्दै” डटकमलाई जानाकारी दिए।
फिस्टेढुंगाबाट घर फर्किने क्रममा फिस्टेढुंगास्थित सिंगटी बुलुङभित्री सडक खण्डमा लामालाई बसले ठक्कर दिएको थियो।‘अहिले उनको शव घटना स्थलमै छ’, वडा अध्यक्ष लामाले भने, ‘चरिकोटबाट रोल्वालिङ यातायातको समिति आउदै हुनुहुन्छ त्यसपछि दुवै पक्ष बिच छलफल गरि अघि बढ्ने आफन्तको माग छ।’
त्यस्तै उक्त घटना घट्न साथ प्रहरीले बस चालकलाई नियन्त्रणमा लिई अनुसन्धान अघि बढाइएको छ ।
