दोलखाको विगु १ लामाबगरबाट थप ४ केजी सुन बरामद भएको छ । दोलखाको लामाबगर नाका हुँदै भित्रिएको सात किलो सुन र त्यसमा संलग्न व्यक्तिहरु पक्राउ गरी सार्वजनिक गरेको केहि दिन बित्न नपाउदै आइतबार प्रहरीले ४ किलो सुन बरामद गरेको हो ।
फरार रहेका अन्दाजी २७ बर्षिय अशोक मगरको घर नजिकै रहेको ठुलो ढुङ्गामाथि झारले छोपेर राखेको अवस्थामा थप ४ केजी सुन बरामद भएको जिल्ला प्रहरी कार्यालय दोलखाले जनाएको छ । सुन तस्करीको आरोपमा हालसम्म एकै गाउँका ७ जना पक्राउ परेका छन भने अहिलेसम्म ११ केजी सुन बरामद भएको छ ।
चीनले केही समयका लागि खोलेको दोलखाका लामा बगर क्षेत्रको नाका हुँदै सुन तस्करी बढेपछि यो क्षेत्रमा प्रहरीले निगरानी बढाएको छ । फरार अभियुक्तको खोजीमा समेत प्रहरी सक्रिय बनेको छ ।
