दोलखा । दोलखामा खुल्ला पुरुष भलिबल प्रतियोगिता हुने भएको छ । स्वास्थ्यका लागि खेलकुद, राष्ट्रका लागि खेलकुद भन्ने मुल नाराका साथ स्वर्गीय हेमन्त कुमार प्रधानको २२ औं स्मृति दिवसको अवसरमा नेपाली कांग्रेस क्षेत्र १ ले खुल्ला पुरुष भलिबल प्रतियोगिता गर्न लागेको हो ।
आउँदो पुष २६ देखि २९ गते सम्म दोलखाको पर्यटकीय क्षेत्र जिरी बजारमा उक्त प्रतियोगिता हुन लागेको हो। बाग्मती प्रदेश भित्रका १३ जिल्लाका खेलाडीले प्रतियोगितामा भाग लिन पाउने आयोजकले जनाएको छ । प्रतियोगितामा राष्ट्रिय स्तरका कलाकारहरुको साथमा साँस्कृतिक कार्यक्रमको समेत आयोजना गरिएको छ ।
प्रतियोगितामा प्रथम हुने टिमले नगद २ लाख सहित शिल्ड, मेडल र प्रमाणपत्र प्राप्त गर्नेछन् । त्यस्तै द्वितीय हुनेले नगद १ लाख सहित शिल्ड, मेडल र प्रमाणपत्र, तृतीय हुनेले नगद ५० हजार सहित शिल्ड, मेडल र प्रमाणपत्र तथा सान्त्वना हुनेले नगद ३० हजार सहित शिल्ड, मेडल र प्रमाणपत्र प्राप्त गर्नेछन् । टिम दर्ताका लागि पौष २६ गते विहान १० बजे सम्मको समय तोकिएको आयोजकले जनाएको छ ।
