दोलखा । मेलुङ गाउँपालिकाको तेस्रो राष्ट्रपति रनिङ शिल्ड प्रतियोगिताको उपाधी डाँडाखर्क माविले जितेको छ । विद्यालयले ९ स्वर्ण, ५ रजत र ३ कास्य गरी कुल १७ पदक प्राप्त गरेको छ ।
त्यस्तै, द्वितिय हुने त्रिभुवन मावि मेलुङले ५ स्वर्ण, ८ रजत र ४ कास्य तथा तृतीय हुने लक्ष्मी मावि घ्याङले ४ स्वर्ण, २ रजत र ३ कास्य पदक प्राप्त गरेको छ । प्रतियोगितामा मेलुङ गाउँपालिका भित्रका ११ माध्यमिक विद्यालयको सहभागिता रहेको थियो ।
प्रतियोगिता विहिबारदेखि आइतबार सम्म चलेको थियो । मेलुङ गाउँपालिकाका अध्यक्ष हिराकुमार तामाङले विजयी खेलाडीलाई शिल्ड, मेडल तथा प्रमाणपत्र वितरण गरेका थिए ।
