दोलखा। दोलखाको बैत्यश्वर गाउँपालिका वडा नं ६ नाम्दुका २० वर्षिय प्रज्वल तामाङको सवारी दुर्घटनामा परि मृत्यु भएको छ। बुधबार बेलुका सिन्धुपाल्चोकको सुकुटेमा सुकुटेबाट काठमाडौं तर्फ जाँदै गरेको बा १९ च ९१२३ नम्बरको योद्धा गाडीले काठमाडौंवाट दोलखातर्फ आउँदै गरेको बागमती प्रदेश ०२०२७ प ८५६२ नम्बरको स्कुटर र बा ४२ प ४१६० नम्बरको मोटरसाइकललाई ठक्कर दिँदा उनको मृत्यु भएको हो।
दुर्घटनामा घाइते भएका तमाङ सहित ३ जनालाई उपचारका लागि धुलिखेल अस्पताल लैजाने क्रममा तामाङको भने बाटोमै मृत्यु भएको हो। । अन्यको भने धुलिखेल अस्पतालमा उपचार भईरहेको छ। त्यस्तै योद्धा गाडि सहित चालकलाई प्रहरीले नियन्त्रणमा लिएको छ।
