काठमाडौँ । आइसीसी टी – २० विश्वकप अन्तर्गत समूह डी मा रहेको नेपाल र श्रीलंकाबीचको खेल वर्षाको कारण रद्द भएको छ। फ्लोरिडास्थित ब्रोआर्ड काउन्टी मैदानमा विहानदेखि निरन्तर वर्षा भएपछि मैदान भिजेको थियो जसको कारण दुवै टोलीले १/१ अंक बाँडेका छन्।
नेपालको यससँगै २ खेलमा नेपालले पहिलो १ अंक जोडेको छ। यता ३ खेलमा १ अंक जोडेको श्रीलंका भने प्रतियोगिताबाट बाहिरिएको छ। यस समूहमा दक्षिण अफ्रीका ३ खेलमा ६ अंकका आठ सुपर ८ प्रवेश गरिसकेको छ। बंगलादेश र नेदरल्यान्ड्सको समान २ खेलमा २/२ अंक छ।
नेपालले अब आगामी शुक्रबार दक्षिण अफ्रीका र आइतबार बंगलादेशसँग खेल्ने तालिका रहेको छ।
