पोखरा । गायक प्रमोद खरेलको स्वरमा रहेको नयाँ गीत ‘तिम्रै मायाँ फिदा लाग्छ’ बोलको नयाँ गीत सार्वजनिक भएको छ । शनिबार रियल पिक्चर इन्टरटेन्मेण्टको आधिकारिक युट्युब च्यानल मार्फत गीतको भिडियो सार्वजनिक भएको हो ।
गीतकार तथा संगीतकार आदर्श पोखरेलको आफ्नै शब्द संगीत रहेको यस गीतलाई चर्चित संगीतकार तथा एरेन्जर अर्जुन पोखरलले गरेका हुन् ।
भिडियोको मूख्य भूमिकामा अरिद थापा र सरिता दानाकुटीले अभिनय गरेका छन् । साथै डा. परिवर्तन बराल, जमुना पौडेल बराल र सन्तोष बसौलालाई पनि भिडियोमा विशेष भूमिकामा प्रस्तुत गरिएको छ ।
गीतको भिडियोलाई निर्देशक राम बास्तोलाले निर्देशन गरेका हुन् भने सह-निर्देशकनमा उज्जवलराज ढकालले साथ दिएका छन् । एकोहोरो प्रेम सम्बन्धलाई उतार्न खोजिएको यस भिडियोको कथा सहिल गायकले लेखेका हुन् ।
भिडियोलाई दिपेश केसीले खिचेका हुन् भने मेकअप तथा श्रृङ्गार विनिता गुरुङले गरेकी हुन् । गीतको प्रोजेक्ट हेडका रुपमा सोम गुरुङ रहेका छन् ।