अध्यक्ष प्रचण्डले आह्वान गरेको सर्वदलीय बैठक स्थगित

काठमाडौं, १३ असोज। नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले आजको लागि आह्वान गरेको सर्वदलीय बैठक स्थगित गरिएको छ।

प्रचण्डले हिजो राति अविरल वर्षा, बाढी पहिरो र त्यसबाट उत्पन्न परिस्थितिबारे छलफल गर्न बैठकको आह्वान गरेका थिए। तर, सरकारले पनि सर्वदलीय बैठक बोलाएकाले अब छुट्टै बैठक गर्न आवश्यक नदेखेर स्थगित गरिएको प्रचण्डका स्वकीय सचिव रमेश मल्लले जानकारी दिए।