सुदिप कुमार कार्की-
नेपाली गितसङ्गितकाे क्षेत्रमा
फर्कदै गरेको एउटा फुलको
काेपिला फुल्न नपाउदैँ झर्यो ।
उज्यालोको लागि बालेको
बत्तीको दियो साँझमा नै निभ्यो।।
राष्ट्रकाे गहना कलाकार बिरामी
पर्दा राज्य बेखबर भयो ।
लामो समयसम्म उसले परिवार सँग
सङ्घर्ष गर्यो।
समाज सँग सङ्घर्ष गर्यो
राेगसँग सङ्घर्ष गर्यो
भाेक सँग सङ्घर्ष गर्यो ।।
अन्त्यमा केही लागेन
उसको शारीरिक अङ्गहरूले
काम गर्न छाडे ।
सदाको लागि उ
यस धर्ती बाट बिदा भयो
नेपाली कलाकाे क्षेत्रमा
उदाउँदै गरेको चम्किलो तारा
सदाको लागि अस्तायाे ।।
मृत्तक बालगायक “सचिन परियार “प्रति समर्पित कविता
