राजकुमार भुजेल , दोलखा । भिमेश्वर नगरपालिका वडा .न ५ को आयोजना तथा बुढाभीमसेन सिर्जनसिल युवा क्लबको सहआयोजनामा आजबाट प्रथम अध्यक्ष कप फुटबल प्रतियोगिता शुरु भएको छ । शनिबारदेखि वडाको आफ्नै बुढाभिमसेन खेलमैदानमा जिल्लाका १९ वटा माध्यमिक विद्यालयको सहभागितामा फुटबल प्रतियोगिता शुरु भएको हो ।
प्रतियोगिताको उद्घाटन बागमती प्रदेशका सांसद भरत बहादुर केसीले गरेका हुन । प्रतियोगितामा विजेता हुने टिमले नगद ७५ हजार सहित शिल्ड, मेडल र प्रमाण पत्र तथा उप- विजेता टिमले नगद ३५ हजार सहित शिल्ड, मेडल र प्रमाणपत्र प्राप्त गर्नेछन । अध्यक्ष कप फुटबल प्रतियोगिता पौष १४ देखि १७ गते सम्म संचालन हुनेछ । प्रतियोगिता भिमेश्वर ५ का अध्यक्ष बासु श्रेष्ठको अध्यक्षतामा आयोजना भएको छ ।
