हेटौंडा । राष्ट्रिय सभा सदस्यमा दोलखाका घनश्याम रिजाल निर्वाचित भएका छन।
बिहिबार हेटौंडामा सम्पन्न निर्वाचनमा ६ हजार ५ सय १२ मत प्राप्त गरि नेपाल कम्युनिस्ट पार्टी एकीकृत समाजवादीको तर्फबाट उमेदवार रहेका रिजाल राष्ट्रिय सभा सदस्यको आगामी ६ वर्षे कार्यकालका लागी निर्वाचित भएका हुन्।
जिल्लामा लोकप्रिय छवि निर्माण गरेका युवा नेता रिजाल नेपाल कम्युनिस्ट पार्टी एकीकृत समाजवादी दोलखा जिल्ला कमिटिका निवर्तमान उपाध्यक्ष रहेका छ्न। रिजाल पार्टी निकट दलित मुक्ति संगठनका केन्द्रिय महासचिव र नेपाल सुनचाँदी कला व्यवसायी संघका केन्द्रीय अध्यक्ष समेत रहेका छन् ।
त्यस्तै रिजाल सहित गठबन्धनको तर्फबाट बागमती प्रदेशमा नेपाली कांग्रेसका २ जना, नेकपा माओवादी केन्द्रका एक जना गरि चारै जना उम्मेदवार विजयी भएका छन्।
