मकवानपुर। मकवानपुरको भीमफेदी गाउँपालिका जुरिखेतमा कार दुर्घटना हुँदा ३ जनाको मृत्यु भएको छ। हेटौँडा–भैँसे–भीमफेदी– काठमाडौँ सडकखण्डको भीमफेदी ६ जुरिखेतमा कार सडकबाट २५० मिटर तल खसेको थियो। उक्त दुर्घटनामा दुई बालिकासहित तीन जनाको मृत्यु भएको मकवानपुर प्रहरीले जनाएको छ।
काठमाडौँबाट हेटौँडातर्फ जाँदै गरेको बा ६ च ९३७९ नम्बरको कार बुधबार अपराह्न अनियन्त्रित भई सडकबाट २५० मिटर तल खस्दा ५ जना घाइते भएको जिल्ला प्रहरी कार्यालय मकवानपुरले जानकारी दिएको छ। घाइते ५ जना मध्ये तीन जनाको उपचारका क्रममा हेटौँडामा ज्यान गएक प्रहरीले जनाएको छ।
मृत्यु हुनेमा मकवानपुर मनहरी–८ बेलुवा २६ वर्षीय अर्जुन नेपाली र उनका ३ महिनाकी छोरी अर्जिता रहेकी छिन् । मृतक एक जनाको भने सनाखत हुन सकेको छैन ।घाइतेहरूको हेटौडास्थित मकवानपुर सहकारी अस्पतालमा उपचार भइरहेको छ।
