दोलखा। नेकपा माओवादी केन्द्र निकट विद्यार्थी संगठन अनेरास्ववियू (क्रान्तिकारी) दोलखाको २० औं जिल्ला सम्मेलन असार २ गते सिङ्गटीमा सम्पन्न हुदैछ। उक्त सम्मेलनमा जिल्लाका ९ वटै स्थानिय तहबाट प्रतिनिधि सहभागी हुँदैछन्।
नगरपालिका तथा गाउँपालिकाबाट १५/ १५ जना प्रतिनिधि र क्याम्पसबाट ५ जना सहभागी हुने सङ्गठनले जनाएको छ। सो सम्मेलनबाट जिल्ला अध्यक्ष चयन गर्दैछ। सम्मेलनबाट अध्यक्ष बनेर जिल्ला अध्यक्ष हाक्ने आकांक्षी हालसम्म ५ जना देखिएको छ।
सम्मेलनमा सङ्गठनका जुनसुकै पदाधिकारी चुनावी मैदानमा उत्रिए पनि वा सर्वसम्मतको पाटो देखिएपनि हालसम्म “हेर्दाहेर्दै” डटकमले सोधेको मध्ये अध्यक्षका लागि १ जना जिल्ला संयोजक र ४ जना सह-संयोजकले अध्यक्षमा आकांक्षी राखेको पाइएको हो।
अध्यक्षका आकांक्षी को को ?
सम्मेलनबाट नयाँ नेतृत्व चयन हुने भएपछि अध्यक्षका लागि अहिले ५ जनाको आकांक्षी देखिएको छ। जिल्लामा नयाँ नेतृत्व चयन गरि नयाँ ढङ्गले जिल्लाका सङ्गठन चलाएमान बनाउने तयारी थालेपछि हालसम्म ५ जनाले जिल्ला अध्यक्ष हाक्ने आकांक्षी देखाएका हुन् ।
आयोजक समितिका अनुसार आर्टिस्ट मोक्तान, नवराज बस्नेत,हरि खड्का, उपेन्द्र केसी र विकल खड्का रहेका छन् ।
मोक्तानले अहिले जिल्लाको संयोजकको जिम्मेवारीको भुमिका निर्वाह गरिरहेका छन् भने अन्य ४ जनाले सह-संयोजकको जिम्मेवारी सम्हालिरहेका छन् ।
