राजकुमार भुजेल,दोलखा।
माथिल्लो तामोकोसी जलविद्युत केन्द्रको बाँधस्थलमा रहेको हेडवक्सको विद्युत सञ्चालन गृहलाई पहिरोले पुरिदा ४ जना सम्पर्कविहिन बनेका छन् । विद्युत सञ्चालन गृहमा भएका तामाकोशी विद्युत केन्द्रमा कार्यरत २ कर्मचारी र २ नेपाली सेना गरी चार जना सम्पर्क विहिन भएको प्रहरी जिल्ला प्रहरी कार्यालय दोलखाका डिएसपी युवराज खड्काले बताए।
त्यस्तै भिमेश्वर नगरपालिका – ६ मैदानेमा पहिराले घर पुरिँदा एकै परिवारका ३ जनाको मृत्यु भएको छ भने १ जना बालकको जिवितै उद्धार गरेको डिएसपी खड्काले बताए। मृत्यु हुनेमा ३६ बर्षिय राजकुमार भुजेल ,३६ बर्षिय राधिका भुजेल र १५ बर्षिय सुजन भुजेल रहेका छन्।
त्यस्तै जिल्लामा भारी बर्षा भएका कारण उद्धार कार्यमा कठिनाई भएको छ। सदरमुकाम लगाएतका स्थानमा बिहानै देखी बिधुत नहुदाँ जनजिवन प्रभावित बनेको छ।
