काठमाडौं ।
प्रधानमन्त्री केपी शर्मा ओलीको पुतला बनाइ नारायणी नदीमा दाह संस्कार गरिएको घटनामा गृह मन्त्रालयले चितवनका प्रमुख जिल्ला अधिकारी (सीडीओ) इन्द्रदेव यादव र एसपी भावेश रिमाललाई केन्द्रमा तानेको छ ।
राष्ट्रिय स्वतन्त्र पार्टी (रास्वपा)का कार्यकर्ताहरूले रवि लामिछानेको पक्राउको विरोधमा प्रधानमन्त्री ओलीको पुतला जलाएका थिए। उक्त घटना रोक्न असफल भएको आरोपमा सीडीओ यादवलाई गृह मन्त्रालयमा तानिएको हो।
नयाँ सीडीओको रूपमा प्रकाश पौडेललाई नियुक्त गरिएको छ। त्यस्तै, प्रहरी प्रधान कार्यालयले चितवनका एसपी रिमाललाई पनि तानेको छ। रिमालको स्थानमा मानव बेचबिखन अनुसन्धान ब्युरोमा कार्यरत एसपी गौतम मिश्रलाई चितवन पठाइएको छ।
