संघीय संसद्का दुवै सदनको बैठक बस्दै, यस्तो छ कार्यसूची
हेर्दाहेर्दै डेस्क
२४ भदौ २०८३, बुधवार
हेर्दाहेर्दै डेस्क
२४ भदौ २०८३, बुधवार
529
Sharesकाठमाडौँ । संघीय संसद्का दुवै सदनको बैठक आज बस्दैछ ।
प्रतिनिधि सभाको बैठक अपराह्न १:०० बजे सिंहदरबारमा बस्नेछ भने राष्ट्रिय सभाको बैठक अपरान्ह १ः१५ बस्ने भएको छ। प्रतिनिधि सभामा कानुन, न्याय तथा संसदीय मामिलामन्त्री सोविता गौतमले ‘नेपाल कानुन आयोग (पहिलो संशोधन) विधेयक, २०८३’ प्रस्तुत गर्ने भएको छ ।
यस्तै, बैठकमा कानुनमन्त्री गौतमले ‘मेलमिलापसम्बन्धी (दोस्रो संशोधन )विधेयक, २०८३ माथि विचार गरियोस् भन्ने प्रस्ताव प्रस्तुत गर्नेछिन् ।
यसैगरी, कानुनमन्त्री गौतमले ‘एसियाली विधायिकी संस्थाहरूको परिषद्को सदस्यता प्राप्त गर्नेसम्बन्धी प्रस्ताव’ सभासमक्ष पेस गर्ने सम्भावित कार्यसूची रहेको संघीय संसद् सचिवालयले जनाएको छ ।
अपराह्न १:१५ बजे बस्ने राष्ट्रियसभाको बैठकमा ‘नेपाल विशेष सेवा ऐन, २०४२ को साबिकको व्यवस्था जगाउनेसम्बन्धी विधेयक, २०८३ सम्बन्धी समितिको प्रतिवेदन पेस हुनेछ । विधायन व्यवस्थापन समितिका सभापति कृष्णबहादुर रोकायाले सो प्रतिवेदन पेस गर्ने सम्भावित कार्यसूची छ ।
529 Shares
