उद्धार गरिएका चिनियाँ नागरिकलाई पनि छाउनी ल्याइयो, स्वास्थ्य अवस्था सामान्य
हेर्दाहेर्दै डेस्क
२० भदौ २०८३, शनिवार
हेर्दाहेर्दै डेस्क
२० भदौ २०८३, शनिवार
125
SharesNews Summary
- त्रिशूली नदीमा आएको बाढीका कारण प्रभावित माथिल्लो त्रिशूली‑१ जलविद्युत् आयोजनाको सुरुङभित्रबाट चिनियाँ नागरिकको जीवितै उद्धार गरिएको छ।
- उद्धार गरिएका चिनियाँ नागरिकलाई काठमाडौँको छाउनीस्थित नेपाली सेनाको अस्पतालमा ल्याइएको छ, जहाँ उनको स्वास्थ्य अवस्था सामान्य रहेको छ।
काठमाडौँ । रसुवामा बाढीका कारण प्रभावित अपर त्रिशूली–१ जलविद्युत् आयोजनाको सुरुङबाट जीवितै उद्धार गरिएका चिनियाँ नागरिकलाई उपचार तथा स्वास्थ्य परीक्षणका लागि काठमाडौँ ल्याइएको छ ।
सुरुङभित्रबाट उद्धार गरिएका उनलाई नेपाली सेनाको हेलिकप्टरमार्फत नुवाकोटको त्रिशूलीस्थित ब्यारेकबाट काठमाडौँको छाउनीस्थित नेपाली सेनाको अस्पतालमा ल्याइएको हो ।
नेपाल प्रहरीका प्रवक्ता अविनारायण काफ्लेले उद्धार गरिएका चिनियाँ नागरिकको स्वास्थ्य अवस्था सामान्य रहेको जानकारी दिएका छन् ।
२१६ मेगावाट क्षमताको अपर त्रिशूली–१ जलविद्युत् आयोजनाको अडिट–४ टनेलमा फसेका ती चिनियाँ नागरिकलाई बाढी आएको ११औँ दिनमा जीवितै उद्धार गरिएको थियो । उद्धारपछि उनलाई नुवाकोटस्थित नेपाली सेनाको ब्यारेकमा लगिएको थियो ।
नेपाली सेना र दक्षिण कोरियाको डिजास्टर विज्ञ टोलीको संयुक्त प्रयासमा शनिबार ती नागरिकलाई सुरुङभित्रबाट उद्धार गर्न सफलता मिलेको हो ।
भदौ १० गते आएको विनाशकारी बाढीका कारण अपर त्रिशूली–१ जलविद्युत् आयोजनाको निर्माण क्षेत्र तथा सुरुङमा ठूलो क्षति पुगेको थियो । बाढीपछि सुरुङभित्र फसेका चिनियाँ नागरिकको खोजी तथा उद्धारका लागि नेपाली सेना र दक्षिण कोरियाली विज्ञ टोली परिचालन गरिएको थियो ।
125 Shares
