एमालेले टुंग्यायो समानुपातिक सांसदको नामावली
सचिवालय बैठकबाट विभिन्न क्लस्टरअनुसार १६ जनाको नाम सार्वजनिक
हेर्दाहेर्दै डेस्क
३० फागुन २०८२, शनिवार
हेर्दाहेर्दै डेस्क
३० फागुन २०८२, शनिवार
92
SharesNews Summary
- नेपाल कम्युनिष्ट पार्टी (एमाले) को सचिवालय बैठकले प्रतिनिधिसभातर्फका समानुपातिक सांसदहरूको नामावली टुंगो लगाएको छ।
- जनजाति, खस आर्य, थारु, दलित, मधेसी र मुस्लिम क्लस्टरबाट विभिन्न व्यक्तिहरूलाई सांसदका रूपमा चयन गरिएको छ।
काठमाडौं । नेपाल कम्युनिष्ट पार्टी (एमाले) को सचिवालय बैठकले प्रतिनिधिसभातर्फका समानुपातिक सांसदहरूको नामावली टुंगो लगाएको छ।
बैठकले जनजाति, खस आर्य, थारु, दलित, मधेसी र मुस्लिम क्लस्टरअन्तर्गत गरी विभिन्न व्यक्तिहरूलाई समानुपातिक सांसदका रूपमा चयन गरेको हो।
जनजाति क्लस्टरबाट ४ जनाको नाम तय गरिएको छ। महिलातर्फ भूमिका सुब्बा र गंगादेवी श्रेष्ठ तथा पुरुषतर्फ रामबहादुर थापा मगर र कुलभक्त शाक्य चयन भएका छन्।
खस आर्य क्लस्टरबाट ५ जनाको नाम टुंगो लगाइएको छ। महिलातर्फ पद्मा अर्याल, टुकाभद्रा हमाल र पिछडिएको क्षेत्रबाट एशुदा कुमारी बराल छन् भने पुरुषतर्फ गुरु प्रसाद बराल र पुष्पराज कंडेल रहेका छन्।
थारु क्लस्टरबाट कृपाराम राणा चयन भएका छन्। दलित क्लस्टरबाट विष्णुमाया वी.के. र नीता घटानी चयन भएका छन्।
यस्तै मधेसी क्लस्टरबाट महिलातर्फ रिङ्ला यादव र यशोधा कुमारी यादव तथा पुरुषतर्फ चन्द्रेश्वर मण्डल चयन भएका छन्।
मुस्लिम क्लस्टरबाट साजिदा सिद्दीकी चयन भएकी छन्।
92 Shares
-18.jpg)
